Window XP တင်ခြင်း

Window XP ဆိုတာကို ကွန်ပျူတာအသုံးပြုသူအားလုံးနီးပါသိကြပါတယ်။ အတော်များများလည်း တင်တတ်ကြပါတယ်။ ဒါပေမယ့် ကွန်ပျူတာနယ်ပယ်ထဲကိုအခုမှဝင်ရောက်လာတဲ့ ကျောင်းသားကျောင်းသူတွေနဲ့ အခြားသော ကွန်ပျူတာ ကဏ္ဍတွေမှာအလုပ်လုပ်နေတဲ့ သူတွေအနေနဲ့ မသိသေးသူများရှိသေးလို့ Window XP တင်ခြင်းခေါင်းစဉ်နဲ့ တင်နည်းလေးရေးပေးလိုက်ပါတယ်။

Widnow XP ဆိုတာ

             Window XP ဆိုတာကတော့ အမေရိကန်နိုင်ငံ မိုက်ခရိုဆော့ဖ်ကနေထုတ်လုပ်ထားတဲ့ window software တစ်မျိုးပဲဖြစ်ပါတယ်။ ကျွန်တော်တို့ပါတ်ဝန်းကျင်အတော်များများမှာတွေ့နေရသေးတဲ့ window ဖြစ်ပါတယ်။ သူက window 7 , window 8 တို့လောက် security ပိုင်းဆိုင်ရာနဲ့ function တွေမစုံပေမယ့် ကျွန်တော်တို့အတွက်တော့ သုံးလို့ကောင်းနေဆဲ window စာရင်းထဲမှာ ပါဝင်ပါသေးတယ်။

ဒါဆို ကျွန်တော်တို့ window XP ဘယ်လိုတင်ခြင်းဆိုတဲ့ ခေါင်းစဉ်လေးကို စရှင်းလိုက်ကြရအောင် . . . .

window တင်ဖို့အတွက်တော့ ကျွန်တော်အရင်က ရေးထားခဲ့တဲ့ BIOS SETUP ပြင်ဆင်ခြင်းကိုအရင်ပြုလုပ်ရပါမယ်။ ခေါင်းစဉ်ခွဲတစ်ခုဖြစ်သွားတဲ့အတွက် မဖတ်ရသေးသူများ ပြန်ဖတ်စေလိုပါတယ်။ BIOS SETUP ကိုပြင်ဆင်ပြီးမှသာ window တင်လို့ရမှာဖြစ်တဲ့အတွက်ပါ။

အရင်ဆုံး ကျွန်တော်တို့ window XP အခွေကို CD (သို့) DVD Drive ထဲကိုထည့်ပေးထားရပါမယ်။

BIOS SETUP ကိုပြင်ဆင်ပြီးတဲ့နောက် ကွန်ပျူတာဟာ Restart ဆင်းပါလိမ့်မယ်။ ပြီးတာနဲ့ ကျွန်တော်တို့ ကွန်ပျူတာပြန်ပွင့်လာတဲ့အချိန်မှာ monitor မြင်ကွင်းအောက်ဘက်မှာ press any key buttom ဆိုတဲ့ စာတမ်းလေးကိုတွေ့ရပါလိမ့်မယ်။ ဒါဆိုရင်ကျွန်တော်တို့ keyboard မှာရှိတဲ့ key တစ်ခုခုကိုရိုက်ထည့်ဖို့အတွက်ပဲဖြစ်ပါတယ်။ အကြောင်းရင်းကတော့ boot လုပ်ဖို့အတွက်ပါ။ သတိပြုရမယ့်အချက်တစ်ချက်တော့ရှိပါသေးတယ်။ ဒါကတော့ delete key နဲ့ F1 to F12 key တွေကိုမနှိပ်မိဖို့ပါပဲ။ ကျွန်တော်ကတော့ များသောအားဖြင့် နှိပ်လို့ကောင်းတဲ့ Enter key ကိုနှိပ်တာများပါတယ်။ မိမိအားသန်တဲ့ key နှိပ်ပေါ့နော်။

ပြီးရင်တော့ press any key boot from CD . . . . ဆိုပြီးစာတမ်းလေးပေါ်လာပါလိမ့်မယ်။ မပေါ်ခဲ့ဘူးဆိုရင်တော့ မိမိကွန်ပျူတာမှာရှိတဲ့ Drive ကြောင့်ဖြစ်စေ၊ window ခွေကြောင့်ဖြစ်စေ တစ်ခုခုလွဲချော်ခြင်းပဲဖြစ်ပါတယ်။ အကုန်လုံးအဆင်ပြေတယ်ဆိုရင်တော့ window XP တင်ခြင်းအစီအစဉ်ကို ဆက်လက်လုပ်ဆောင်လို့ရပါပြီ။ ခုနက  press any key boot from CD . . . . ဆိုတဲ့ စာကြောင်းလေးပေါ်လာပြီဆိုရင်တော့ ကျွန်တော်တို့ ခုနကလိုမျိုးပဲ keyboard က key တစ်ခုခုကို နှိပ်ပေးထားရပါဦးမယ်။

ပြီးရင်တော့ အောက်မှာပေးထားတဲ့ပုံလေးတွေအတိုင်း တစ်ဆင့်ခြင်းအလုပ်လုပ်နေတာကို ခဏစောင့်ပေးရပါမယ်။

အခုနောက်ဆုံးမြင်တွေ့ရတဲ့ ပုံလေးအတိုင်းပေါ်လာပြီဆိုရင်တော့ window ဆက်တင်မှာလား မတင်ဘူးလားဆိုတာကိုမေးတာပဲဖြစ်ပါတယ်။ အောက်ဖက်မှာမေးထားတာကိုတွေ့ရပါလိမ့်မယ် F8= I agree, Esc= I do not agree ဆိုတာကိုတွေ့ရမှာပါ။ window ဆက်လက်တင်ချင်တယ်ဆိုရင်တော့ key board မှာရှိတဲ့  F8 ခလုတ်ကိုနှိပ်ပေးရမှာဖြစ်ပြီး မတင်ချင်တော့ဘူးဆိုရင် Esc key ကိုသုံးပြီးပြန်ထွက်လို့ရတယ်လို့ မေးထားပါတယ်။ ကျွန်တော်တို့ကတော့ ၀င်ဒိုးဆက်လက်တင်မှာဖြစ်တဲ့အတွက် F8 ကိုပဲနှိပ်လိုက်ကြပါမယ်။ ပြီးရင်တော့ အောက်မှာပေးထားတဲ့ မြင်ကွင်းမျိုးကိုမြင်ရပါမယ်။ အောက်မှာပေးထားတဲ့ ပုံလေးကိုကြည့်လိုက်ကြရအောင်

ဒါကတော့ partition ပိုင်းမယ့်အခန်းကဏ္ဍပဲဖြစ်ပါတယ်။

Partation ပိုင်းခြင်း

 ကျွန်တော့်တို့ရဲ့ ကွန်ပျူတာထဲမှာ data အချက်အလက်တွေကို သိုလှောင်သိမ်းဆည်းပေးတဲ့ Hardisk ဆိုတဲ့ ပစ္စည်းရှိနေပါတယ်။ ဒါပေမယ့် ဘယ်လောက်ပမာဏသိမ်းဆည်းနိုင်မလည်းဆိုတဲ့ ပမာဏသတ်မှတ်ချက်လည်းရှိပါတယ်။ Harddisk တွေရဲ့သိုလှောင်နိုင်မှု ပမာဏကိုတော့ အလွယ်အားဖြင့် ကျွန်တော်တို့က GB နဲ့ခေါ်ဝေါ်သုံးစွဲကြပါတယ်။ ကွန်ပျူတာထဲမှာတော့ သူ့ကို MB နဲ့ ဖော်ပြထားတာကို တွေ့ရပါတယ်။ ဒီတော့ ကျွန်တော်တို့ရဲ့ Harddisk ဘယ်လောက်ပမာဏရှိလည်းဆိုတာကို ကြည့်လိုက်ကြရအောင်။ 1998 MB လို့ဖော်ပြထားပါတယ်။ အခုကတော့ 1000 GB ရှိတဲ့ Harddisk တောင်ရှိ နေပါပြီ။ ကဲအခုကတော့ကျွန်တော့်မှာ 1998 MB ပဲရှိပါတယ်။ ဒီတော့ ကျွန်တော် partation ပိုင်းတဲ့ အပိုင်းကိုပြန်ပြောပါမယ်။ partation ပိုင်းတယ်ဆိုတာကတော့ မိမိမှာရှိတဲ့ Harddisk ကို အခန်းတစ်ခုခြင်းဆီခွဲတာနဲ့အတူတူပါပဲ။ 80 GB ရှိတဲ့ Harddisk ဆိုရင် 40 GB စီ နှစ်ပိုင်းခွဲလိုက်တယ်။ ဒါမျိုး အခန်းတွေကန့်တာပါပဲ။ မိမိတင်ချင်တဲ့ အခန်းမှာ ၀င်းဒိုးတင်လို့ရပါတယ်။ ကျန်တဲ့တစ်ပိုင်းကတော့ သိမ်းချင်တာသိမ်းပေါ့။ ၀င်းဒိုးစနစ်တွေကိုတော့ တစ်ပိုင်းမှာသိမ်းမယ်။ ကျန်တစ်ပိုင်းကို data သိမ်းမယ်ဒါမျိုးသက်မှတ်ရမယ့်အစီအစဉ်တစ်ခုပေါ့။ ဒီတော့ ဘယ်လိုမျိုးပိုင်းမလဲဆိုတာကြည့်လိုက်ကြ ရအောင်နော်။ အရင်ဆုံးကတော့ Harddisk အသစ်ဆိုရင် တစ်ပိုင်းတည်းပေါ်နေမှာပါ။ ကျွန်တော့်ပုံမှာပြထားတဲ့အတိုင်း C: ဆိုတဲ့နာမည်လေးနဲ့ ပေါ်နေမှာပါ။ ကျွန်တော်တို့က နောက်ထပ် D: တို့ E: တို့လည်းခွဲချင်သေးတယ်လေ။ ဒီတော့ ဒီစာမျက်နှာကိုရောက်ပြီဆိုရင် အပေါ်မှာရေးပေးထားတဲ့ စာလေးတွေကိုဖတ်ရပါတော့မယ်။

 အပေါ်ဆုံးစာကြောင်းကတော့ window xp ကို ဒီ select ပေးထားတဲ့ partation အပိုင်းပေါ်မှာတင်ချင်တယ်ဆိုရင်တော့ Enter ကိုနှိပ်ပါတဲ့။  အကယ်လို့များ harddisk က အသစ်ဖြစ်နေလို့ ဘာနာမည်မှမပေးရသေးဘူးဆိုရင်တော့ C key ကို နှိပ်ပြီး partation အသစ်တစ်ခုသတ်မှတ်နိုင်ပါတယ် လို့ပြောတာပါ။ နောက်တစ်ခုကတော့ ရှိပြီးသား partation ကိုဖျက်ချင်တယ်ဆိုရင် D key ကိုနှိပ်ခိုင်းတာဖြစ်ပါတယ်။ ကဲဒါဆိုရင်တော့ ကျွန်တော်တို့ ရှိပြီးသား partation ကိုအရင်ဖြတ်ကြည့်ရအောင်။

ဒီနေရာမှာ သတိထားရမယ့်အပိုင်းရှိပါတယ်။ အကယ်လို့များကျွန်တော်တို့စက်ထဲမှာ Data တွေသိမ်းဆည်းထားခဲ့မယ်ဆိုရင် တစ်ခါတည်းပျက်သွားမှာဖြစ်ပါတယ်။ ကိုယ် Delete လုပ်တဲ့အပိုင်းက Data တွေဟာ ပျက်ကုန်မှာဖြစ်ပါတယ်။ သံယောဇဉ်ပြတ်တယ်ဆိုရင်တော့ D ကိုသာနှိပ်လိုက်ပါ။

အောက်မှာပြထားတဲ့ပုံအတိုင်း လာပေါ်နေပါလိမ့်မယ်။

ထပ်ပြီးမေးတာဖြစ်ပါတယ်။ မှားယွင်းနှိပ်မိတာမျိုးဖြစ်မှာစိုးတဲ့အတွက်ပါ။ ဆက်လက်လုပ်မယ်ဆိုရင်တော့ enter ကိုနှိပ်ပေးရမှာဖြစ်ပြီး။ မဖျက်တော့ဘူးဆိုရင် Esc ကိုသုံးပြီးပြန်ထွက်လို့ရပါသေးတယ်။

ပြီးရင်တော့ ခုလိုမျိုးထပ်ပြီးမေးပါသေးတယ် တစ်ကယ်ဖျက်မယ်ဆိုရင်တော့ L key ကိုနှိပ်ပါလို့မေးထားပါသေးတယ်။ ကျွန်တော်တို့မဖျက်ဖူးဆိုရင်တော့ Esc နဲ့ထွက်နိုင်ပါသေးတယ်။

L key ကိုနှိပ်လိုက်ပြီဆိုရင်တော့ အခုလိုမျိုးမြင်ရပါမယ်။ အောက်ဖက်ကပုံကိုကြည့်ပါ

နာမည်လည်းပျောက်သွားပါပြီ။ ပြီးတော့ သူ့မှာ Unpartation Space ဆိုပြီးတော့လည်းလာပြနေပါပြီ။

ဒီလိုအခြေအနေမျိုးရောက်သွားပြီဆိုရင်တော့ ကျွန်တော်တို့ partaton အသစ်သက်မှတ်လို့ရပါပြီ။

အပေါ်မှာပေးထားတဲ့ စာအတိုင်း C key ကိုအသုံးပြုပြီး partation အသစ် သက်မှတ်ပါမယ်။

အောက်မှာပေးထားတဲ့ပုံလေးအတိုင်းပေါ်လာပါလိမ့်မယ်။

ဒီနေရာမှာကျွန်တော်တို့မြင်ရမှာကတော့ ကိုယ်တိုင်စိတ်ကြိုက် partation ပိုင်းဖို့ပဲဖြစ်ပါတယ်။ creat partation of size ဆိုတဲ့ စာကြောင်းမှာ ကျွန်တော်တို့ Harddisk ရဲ့ ဆိုဒ်ပမာဏကို လာပြနေပါလိမ့်မယ်။ ကဲဒီနေရာမှာ နှစ်ပိုင်းပိုင်းချင်တဲ့သူက ပေါ်နေတဲ့ ဆိုဒ်ကို 2 နဲ့စား၊ 3 ပိုင်းပိုင်းချင်တဲ့သူက 3 နဲ့စားပြီး ရတဲ့အဖြေကိုရိုက်ထည့်ပေးရပါမယ်။  ပြီးရင်တော့ Enter ကိုနှိပ်ရပါမယ်။

ကျွန်တော်ကတော့ harddisk ပမာဏဆိုဒ်သေးတဲ့အတွက် တစ်ပိုင်းထဲထားပါတယ်။ အခုပုံမှာမြင်ရတဲ့အတိုင်းလေးပါ။

ကဲဒီလောက်ဆိုရင် partation ပိုင်းတတ်ပြီလို့ထင်ပါတယ်။

ကဲဒါဆိုဘာဆက်လုပ်ကြမလဲ။ window ဆက်လက်တင်ကြပါမယ်။ ဒါဆိုရင်တော့ အခုလက်ရှိအနေအထားအရဆိုရင် Enter ကိုနှိပ်ပေးရပါမယ်။

ဒါကတော့ကျွန်တော် Enter နှိပ်လိုက်တဲ့အချိန်မှာ မြင်ရတဲ့မြင်ကွင်းပဲဖြစ်ပါတယ်။

ဒီနေရာမှာလည်းကျွန်တော်တို့ စာတွေဖတ်ပေးရပါဦးမယ်။ ရွေးချယ်ဖို့အတွက် 4 မျိုးပေးထားပါတယ်။

ဘာအတွက်လည်းဆိုရင် Format ရိုက်ဖို့အတွက်ပါ။ Format  ရိုက်တယ်ဆိုတာကတော့ အလွယ်ကူဆုံးပြောရရင် ကျွန်တော်တို့ window တင်မယ့် Partation ကိုဆေးပြစ်တဲ့သဘောပါ။ ကျွန်တော်တို့ ရွေးရမှာက NTFS စနစ်နဲ့ရိုက်မှာလား FAT နဲ့ရိုက်မှာလားဆိုတာပါ။

ဒီနေရာမှာထပ်ပြီးတော့ ရွေးရပါသေးတယ်။ ဘာလည်းဆိုတော့ မြန်မြန်ရိုက်မှာလား နှေးနှေးရိုက်မှာလားဆိုတာပါပဲ။ မြန်မြန်ရိုက်တာနဲ့ နှေးနှေးရိုက်တာ ဒီနေရာမှာတော့ နှေးနှေရိုက်တာက ပိုပြီးကောင်းပါတယ်။ ဒါပေမယ့် အခုအတော်များများကတော့ မြန်မြန်ကိုပိုကြိုက်ကြပါတယ်။ ကဲကျွန်တော်ကတော့ ပုံမှန်လေးပဲအလုပ်လုပ်လိုက်ပါပြီနော်။ အော် NTFS နဲ့ပါ။

NTFS စိတ်ကြိုက်ရွေးပါ။ ပြီးရင် Enter ကိုနှိပ်လိုက်ပါဦး။ ဒီအတိုင်းမြင်ရပါလိမ့်မယ်။

100% ပြည့်တဲ့အထိ စောင့်ပေးရပါမယ်။ 100% ပြည့်သွားတဲ့အချိန်မှာတော့

creating list to be copies ဆိုတဲ့စာကြောင်းလေးနဲ့ ကွန်ပျူတာဟာဆက်လက်အလုပ်လုပ်နေပါပြီ။ ဒီအချိန်မှာတော့ ကျွန်တော်တို့အလုပ်နားနေလို့ရပါတယ်။ ကွန်ပျူတာက သူ့ဟာသူ အလုပ်ဆက်လုပ်နေပါပြီ။

ပထမပုံကတော့ window CD ထဲမှာရှိတဲ့ window စနစ်ပိုင်းဆိုင်ရာ file တွေကို harddisk ထဲကို ကော်ပီကူးထဲ့တဲ့အဆင့်ဖြစ်ပါတယ်။ ဒုတိယပုံကတော့ ဖိုင်တွေကိုပြန်လည်စစ်ပြီးအချောသတ်ကူးထည့်ထားတဲ့အဆင့်ဖြစ်ပါတယ်။ နောက်ဆုံးပုံကတော့ ဖိုင်များအားလုံး ကူးထည့်ပြီးပြီဖြစ်တဲ့အတွက် restart ပြန်လုပ်တဲ့အဆင့်ပဲဖြစ်ပါတယ်။ ရွေးချယ်စရာလေးပေးထားပါတယ်။ Enter ခလုတ်ကိုနှိပ်မယ်ဆိုရင်တော့ ကွန်ပျူတာဟာ restart ပြန်လုပ်ထားပါမယ်လို့ပြောတာပါ။ မစောင့်နိုင်တဲ့သူတွေအတွက်ပေါ့။ ကျွန်တော်ကတော့ နည်းနည်းအပျင်းထူတဲ့အတွက်ကြောင့် ဘာမှကိုမလုပ်ပဲဒီအတိုင်းထားလိုက်ပါတယ်။ ဒီအတိုင်းထားလိုက်ရင်လည်း ကွန်ပျူတာဟာအလိုအလျှောက် restart ပြန်လုပ်ပေးမှာပါ။ ဒါဆိုရင်တော့ window တင်တာ ဒုတိယအဆင့်ပြီးပြီလို့ ယူဆလို့ရပါတယ်။

အားလုံးလွယ်ကူချောမွေ့စွာလုပ်ကိုင်ဆောင်ရွက်နိုင်ကြပါစေ။
ကဲ window XP harddisk ပေါ်ကိုကူးထည့်တဲ့ အဆင့်ပြီးသွားပြီဆိုရင်တော့ နောက်ထပ်တင်တဲ့အဆင့်တွေကိုဆက်ရေးပေးပါဦးမယ်။
ကွန်ပျူတာက restart ဆင်းသွားပြီးပြီဆိုတော့ ကွန်ပျူတာဟာ ပိတ်ပြီးပြန်ပွင့်လာပါပြီ
ဒီအခြေအနေမှာ ထပ်ပြီးတော့ press any key buttom ဆိုတဲ့ စာကြောင်းမေးလာပြန်ပါပြီ
ကျွန်တော်တို့ဘယ် key မှမရိုက်မိအောင်သတိထားရပါမယ်။ ဘာကြောင့်လည်းဆိုရင် ကွန်ပျူတာဟာ အလိုအလျှောက် အခွေကိုဖတ်မှာဖြစ်လို့ပါပဲ။ ဒီတော့ ဘယ် key မှမရိုက်ပဲနေလိုက်ကြရအောင်နော်။
ဒါဆိုရင်တော့ ကွန်ပျူတာမှာ ဒီလိုမျိုးပြန်တက်လာပါလိမ့်မယ်။ အောက်မှာပေးထားတဲ့ပုံလေးကိုကြည့်လိုက်ကြပါ။ ၀င်းဒိုး XP စတက်လာရင်မြင်ရတဲ့မြင်ကွင်းမျိုးပါ။

 ဒီအခြေအနေအားလုံးကို ကွန်ပျူတာဟာ သူ့အလိုအလျှောက်ပြုလုပ်နေမှာဖြစ်တဲ့အတွက် ကျွန်တော်တို့စောင့်ဆိုင်းပေးယုံပါပဲ။ နောက်ထပ်ပြောင်းလဲသွားမယ့်အဆင့်ဆင့်ကို ပုံလေးတွေနဲ့ ပြပေးသွားပါမယ်။

ကဲဒီလိုမျိုးအဆင့်ဆင့်ပေါ်လာပြီးနောက်မှာတော့ ကျွန်တော်တို့ပြုလုပ်ပေးရမယ့်အဆင့်လေးပါဝင်လာပါပြီ။
ဒီအောက်မှာပေးထားတဲ့ပုံလေးကိုကြည့်လိုက်ပါ။

ကျွန်တော်ကတော့ window XP professional ကိုတင်တာဖြစ်တဲ့အတွက်ကြောင့် အခွေဝယ်တုန်းက အခွေပေါ်မှာ serial no လေးပေးလိုက်ပါတယ်။ ဒီနံပါတ်တွေကို မမှားအောင်ဂရုပြုပြီး product key ရဲ့အကွက်လေးတွေမှာဖြည့်ပေးရမှာဖြစ်ပါတယ်။
ပြီးရင်တော့ next ကိုကလစ်ပေးရပါမယ်။

နောက်တစ်ဆင့်ကတော့ ကျွန်တော်တို့ရဲ့ ကွန်ပျူတာ နာမည်လေးပေးမှာဖြစ်ပါတယ်။ မိမိစိတ်ကြိုက်နာမည်ကို computer name ဆိုတဲ့ box ထဲမှာရိုက်ထည့်ပေးရပါမယ်။
ပြီးရင်တော့ အောက်ဖက်မှာ administration password ဆိုပြီးတောင်းထားတဲ့ password တောင်းတဲ့ box ကလေးကိုတွေ့ရမှာပါ ဒီနေရာမှာ password ရိုက်ထည့်ထားလို့လည်းရပါတယ်။ မရိုက်လည်းရပါတယ်။ ကျွန်တော်ကတော့ ရိုက်ထည့်မထားတာများပါတယ်။ မိမိတို့စိတ်ကြိုက်ဆုံးဖြတ်ပေးပါနော် ဒီနေရာလေးမှာ။ ပြီးရင်တော့ next ကိုကလစ်ပေးပါ။ အချိန်နဲ့နာရီတွေပြုပြင်ပြောင်းလဲဖို့အတွက် box တစ်ခုကျလာပါဦးမယ်။ ဒီနေရာမှာလည်း မြန်မာနိုင်ငံကလူတွေကတော့ Time zone မှာ သွားရောက် Rangon ဆိုတာလေးကိုရွေးပေးနိုင်ပါတယ်။ ဒီအဆင့်မှာ မပြောင်းလည်း ပြသနာတော့မရှိပါဘူး။ ဒီအဆင့်တွေအားလုံးဟာ ကျွန်တော်တို့ ၀င်းဒိုးတင်ပြီးအသုံးပြုနေချိန်တွေမှာလည်း ပြန်လည်ပြင်ဆင်လို့ရတဲ့အတွက်ပါပဲ။ ပြီးရင်တော့ next ကိုကလစ်ထပ်ပေးပေးပါ။

ပြီးရင်ကွန်ပျူတာဟာ ပုံလေးမှာမြင်ရတဲ့အတိုင်း ဆက်လက်အလုပ်လုပ်ကိုင်နေမှာပါ။ ပြီးရင်တော့ ကွန်ပျူတာဟာ restart ပြန်ဆင်းတတ်ပါတယ်။ အချို့စက်တွေမှာတော့ restart မလုပ်ကြပါဘူး ဒီအတိုင်းဆက်ပြီးအလုပ်လုပ်ကြပါတယ်။ restart ဆင်းတဲ့ကွန်ပျူတာတွေအတွက်ကတော့ ဒီပုံစံမျိုး ပြန်တွေ့ရဦးမှာပါ။

နောက်ထပ်ထပ်ပြီးတွေ့ရမှာကတော့ ဒီလိုပုံစံပါ။

ဒီနေရာမှာ ok ကိုကလစ်ပေးလို့ရပါပြီ။ အခုအခြေအနေမှာတော့ Mouse ကိုအသုံးပြုလို့ရပါပြီ။
display setting ကိုပြုပြင်နေခြင်းပဲဖြစ်ပါတယ်။

ok ကိုကလစ်ပေးပြီးတဲ့နောက်မှာ ထပ်တွေ့ရမယ့် box တစ်ခုပါ။ ဒီမှာလည်းပဲ ok ကိုထပ်ပြီးရွေးချယ်ပေးနိုင်ပါတယ်။
ပြီးသွားပြီဆိုရင်တော့

adminstrator password ပေးထားခဲ့တဲ့သူတွေအတွက် password တောင်းတာပဲဖြစ်ပါတယ်။
password မပေးထားတဲ့သူတွေကတော့ တွေ့ရမှာမဟုတ်ပါဘူး။ ဒါဆို adminstrator တွေခုနကပေးထားခဲ့တဲ့ password ကိုပြန်ရိုက်ထည့်ပေးရပါမယ်။ ပြီးရင်တော့ enter နှိပ်ပေးလိုက်ပါ။
ဒါဆိုရင်တော့ ဒီလိုပုံစံလေးနဲ့ window XP desktop မြင်ကွင်းပွင့်လာတာကိုတွေ့ရပါပြီ။

ကဲဒါဆိုရင်တော့ window တင်ခြင်းအဆင့်ဆင့်ကို ကိုယ်တိုင်ပြုလုပ်နိုင်လိမ့်မယ်လို့ ယူဆလိုက်ပါတယ်။
ကိုယ်တိုင်တင်ကြည့်ကြပါ။ window တင်ဖို့လောက်နဲ့ ဆိုင်ပို့စရာမလိုတော့ဘူးလို့လည်းထင်ပါတယ်။
အားလုံးအဆင်ပြေချောမွေ့ကြပါစေ။ window XP ဟာ version မျိုးစုံတွေ့နေရတာဖြစ်တဲ့အတွက်ကြောင့် မြင်ကွင်းပုံစံသာပြောင်းလဲမှုရှိပြီး ကျန်သောပြုလုပ်ရမည့်လုပ်ဆောင်ချက်များမှာအတူတူပဲဖြစ်တဲ့အတွက်
မိမိစိတ်ကြိုက် window XP version မျိုးစုံကိုကိုယ်တိုင်တင်နိုင်ပါတယ်။ သဘောတရားအားလုံးဟာအတူတူဖြစ်တယ်ဆိုတာလေးကို အသိပေးရင်း အားလုံးရွှင်လန်းချမ်းမြေ့ကြပါစေ။